Марчелло Липпи: "Хитой сўнгги поғонада ва бизга очколар керак"
15 nov 2016 10:51
News

Марчелло Липпи: "Хитой сўнгги поғонада ва бизга очколар керак"

ЖЧ-2018 саралаши доирасидаги Хитой - Қатар учрашувидан олдин ташкил этилган матбуот анжуманида хитойликлар устози Марчелло Липпи ўз фикрларини билдирди.

"Бу ерга қайтиб янги марралар сари курашишимдан хурсандман. 2018 йилги Жаҳон чемпионатига чиқишни истаётган терма жамоани қабул қилиб олиш шахсан мен учун жуда оғир миссия ҳисобланади. Олдинда бизни қийин йўл кутиб турибди.

Бир очко билан гуруҳда энг сўнгги поғонадамиз, бизга очколар керак. Бизнинг имкониятимиз жуда кичик. Биз узоқни кўзлаб жамоа тузишимиз керак. Агар Россиядаги мундиалга чиқа олсак буюк натижа бўлади. Агар унга йўлланмани қўлга киритмасак келажак ҳақида қайғуриш керак.

Қатар яхши жамоа ҳисобланади. Уларда мураббий алмашди. Фоссати ажойиб мураббий. Хорхе Қатар терма жамоаси ва унинг футболчиларини жуда яхши танийди. 2022 йилда Қатар ўз уйида мундиални қабул қилади, шу боис уларда интилиш жуда юқори. Бироқ рақибдаги сифат интилишдан кўра пастроқ", - дейди Марчелло Липпи ОФК расмий сайтига.

Link :

Source : championat.asia

Receive latest football news directly on your phone. Subscribe for our Telegram channel!

Rating: +2