Марат Бикмаев юбилей голи ҳақида: "Кучим етганича гол уришда давом этаман"
14 oct 2018 01:30
News

Марат Бикмаев юбилей голи ҳақида: "Кучим етганича гол уришда давом этаман"

Ўзбекистон терма жамоаси ҳамда "Локомотив" ҳужумчиси Марат Бикмаев КХДРга қарши кечган ўртоқлик ўйини (2:0) ва фаолиятидаги 100-гол ҳақида фикр билдирди.

- Жамоа гол уришда муаммоларга дуч келди. Нима етишмади деб ўйлайсиз?
- Ҳамма нарса етарли бўлди деб ўйлайман. Гол уриш учун баъзида битта, баъзида жуда кўп вазиятлар керак бўлади. Жамоамиз етарлича вазиятлар яратди. Ҳаво тез совиб кетгани ҳам бизга бироз таъсир қилди. Бироқ бу бир томондан яхши. Чунки совуқ қотиб қолмаслик учун ягуришга мажбур бўласиз. Бунинг устига майдон "оғирроқ".
- Бугунги баҳсда фаолиятингиздаги 100 ва 101-голингизни урдингиз. Бу ҳақида биласизми?
- Ҳа, албатта (кулади). Фаолиятдаги 100-голимни урганимдан хурсандман. Ишлашда давом этамиз.

- 200-голга ҳаракат қиласиз...
- 200-гол? Бир нима дейиш қийин. Кучим етганича гол уришда давом этаман.