Марат Бикмаев ҳакамларни ҳақорат қилгани учун иккита учрашувга четлатилди
17 sep 2018 23:11
News

Марат Бикмаев ҳакамларни ҳақорат қилгани учун иккита учрашувга четлатилди

Суперлиганинг 23-тур учрашувлари доирасидаги “Металлург” – “Локомотив” баҳси 90+4 дақиқасида “темирйўлчилар” жамоаси захира ўриндиғида ўтирган футболчи – Марат Бикмаев ҳакамлар гуруҳи шаънига номаъқул сўзлар ишлатди.

Натижада ўйинни бошқариб борган ҳакам – Владислав Цейтлин ушбу футболчини майдондан четлатди.

Владислав Цейтлин ёзма билдирги орқали ушбу вазиятга изоҳ бераркан, Бикмаев аввалига захира ҳакамини, сўнгра бутун ҳакамлар гуруҳини ҳақорат қилганини маълум қилди.

Мазкур вазият атрофлича ўрганиб чиқилди ва Мусобақалар регламентининг интизомий ва жарималар кодекси 3-бўлим, 5.45 бандининг “Е” қисмини қўпол равишда бузгани эътироф этилган Марат Бикмаев навбатдаги иккита расмий учрашувдан четлатилди ва футболчига нисбатан 10 000 000 сўм миқдорида жарима белгиланди.

Link :

Source : pfl.uz

Receive latest football news directly on your phone. Subscribe for our Telegram channel!

Rating: -15