Марадона Сафаров: "Шердор" олдига Суперлигага чиқиш вазифаси қўйилган"
04 feb 2019 21:34
News

Марадона Сафаров: "Шердор" олдига Суперлигага чиқиш вазифаси қўйилган"

Фарғона вилояти "Ҳоким кубоги - 2019" мусобақаси “B” гуруҳидан ўрин олган "Локомотив U-21” - “Шердор" (0:2) учрашувидан сўнг самарқандликлар футболчиси Марадона Сафаров сайтимизга интервью берди.

Бугунги ўйин анча кизиқ ва томошабоп тарзда ўтди. "Локомотив U-21” жамоаси анча яхши ўйин кўрсатди. Албатта футболда ёзилмаган қонун бор: сен урмасанг, сенга уришади. Рақибларимиз анча имкониятни кўкка совурди. Бизда камрок имконият бўлди, лекин шундан унумли фойдаландик ва якунда ғалаба козондик. "Ҳоким кубоги" мусобақаси футболчиларни миллий чемпионатларимизга тайёргарлик кўришлари ҳамда иштирокчи жамоаларга ўзларининг ўйин услубларини шакллантиришларига ёрдам беради.

"Шердор" олдига Суперлигага чиқиш вазифаси қўйилган. Албатта, бунга ишониш қийин, лекин биз мана шу вазифани уддаламоқчимиз, сабаби бизда аҳил жамоа мавжуд. Футболда эса ҳамма нарса бўлиши мумкин, насиб этса “Шердор"ни Суперлигага олиб чиқмоқчимиз.

Бекзод Толибов ёзиб олди

Link :

Source : championat.asia

Receive latest football news directly on your phone. Subscribe for our Telegram channel!

Rating: +5