Манчини: "Агар яхши ўйнасак, яна "Уэмбли"га қайтиб келамиз"

"Эски "Уэмбли" ҳам ажойиб эди, бугунгиси эса фантастик аренадир. Бу ерда ўйнаш завқ беради. Фаолияти давомида бундай аренада умуман футбол ўйнамай кетадиган футболчилар бор. 

Агар биз Австрияга қарши яхши ўйнай олсак, яна шу ерга қайтиб келиш имконига эга бўламиз. Умид қиламанки, шундай ҳам бўлади. 

Бизни қийин ўйин кутаётганини йигитлар тушуниб туришибди. Хато қилиш мумкин эмас. Австрия агрессив ва техник томонлама кучли жамоа", - деди Манчини. 

Эслатиб ўтамиз, Евро-2020нинг ярим финал ва финал ўйинлари "Уэмбли" стадионида ўтказилади.