"Манчестер Юнайтед" ва "Ювентус" жазоланиши мумкин

Ўйин бошланмасидан олдин майдонга "Ювентус" мухлиси югуриб тушди. Учрашув якунланганидан кейин эса яна 2 мухлис майдонга Криштиану Роналду билан селфига тушиш учун боришди, бири эса буни уддалади.

Аммо гап бунда эмас. "Қизил иблислар" ўйинга кечикди. УЕФА талабларига кўра, жамоалар ўйин бўладиган стадионга учрашув бошланишидан 75 дақиқа олдин етиб боришлари керак. МЮ эса йўлдаги тирбандликлар боис, ўйин бошланишига 50 дақиқа қолганида етиб борган. "Ювентус" эса 65 дақиқа қолганида стадионга ташриф буюрган.

Уч ҳафта олдин "Юнайтед" "Валенсия"га қарши ўйинга кеч етиб боргани учун 15 минг евро жаримага тортилганди. Бу сафар икки жамоа ҳам жазоланиши мумкин.