Мағлубиятга тайёр бўлмасангиз, мухлислик қилманг. ЖАРда катта жанжал (ФОТО+ВИДЕО)+18

Жанубий Африка Республикаси (ЖАР)нинг энг яхши клубларидан бири "Кайзер Чефс" мамлакат кубоги учун баҳсда сенсацион тарзда "Фри Стэйт Старс"га ютқазиб қўйди. Мухлислар ақлдан озишди.

Улар трибунадан майдонга сакраб, йўлидан чиққан ҳамма нарсани синдиришди. Трибунада ёнғин чиқишига сабабчи бўлишди, телевизион ускуналарни ишдан чиқаришди, стюардларни калтаклашди.

Бу суратда ғазабланган мухлислар стадион ходимларининг бирини уришаётгани акс этган.

Футболчилар трибуна ости йўлакчасига қочишди.

Натижада махсус хизмат ходимлари кўздан ёш чиқарувчи газ ва шокка туширувчи гранаталар билан мухлисларни майдондан ҳайдаб чиқаришди.

Ҳафта бошида клуб мухлисларнинг ўзини тутиши учун 20 минг долларга жаримага тортилди.