Мафтуна Шойимова: "Тўплар нисбати якунда юқорироқ ўрин эгаллаш учун керак бўлиб қолиши мумкин"

- Ўзбекистон терма жамоаси биринчи турдаги кутилмаган натижадан сўнг мусобақадаги дастлабки ғалабасини қайд этди. Умумий олганда, бугунги ўйин терма жамоамиз учун қандай?

- Ўйинлар осон кечмаяпти. Сабаби биз Ўзбекистондамиз ва ўз мухлисларимиз қаршисида ўйнамяпмиз. Шу сабабли биринчи баҳсда бироз қийинчиликларга дуч келдик ва Кувайтга қарши баҳсга яхши тайёргарлик кўриб, ғалаба қозондик.

- Кувайт терма жамоаси дастлабки икки баҳсда йирик ҳисобда мағлубиятга учради. Сиз кувайтликлар дарвозасига учта тўп киритдингиз. Ушбу жамоанинг даражаси ҳақида гапириб ўтсангиз?

- Биз ҳар бир рақибни ҳурмат қиламиз. Кимдир кучли ёки кучсиз дейиш нотўғри. Биз учун Австралия ҳам ва Кувайт ҳам бир хил рақиб.

- Учинчи турдаги рақибимиз ва ҳозирча гуруҳ етакчиси Австралия жамоаси ҳақида фикр билдириб ўтсангиз? Бўлажак рақиб анча жиддий, уларни ўрганиб чиқишни қачон бошлайсизлар?

- Биз барча жамоаларни ўрганиб чиққанмиз ва барча рақибларга қарши курашишга тайёрмиз.

- Киритилган голларингиз ҳақида нималар дея оласиз?

- Голлар худди сувдек муҳим. Тўплар нисбати якунда юқорироқ ўрин эгаллаш учун керак бўлиб қолиши мумкин. Ўйин якунида бироз омад келмади.