Любинко Друлович: "Тўхтасинов асосий таркиб футболчиси. Бу сафар Бозоровни синаб кўрдик"

"Биз кўп вазиятларни қўлдан чиқардик. Шу сабабли биринчи гол жуда муҳим эди. Бозоров яхши ҳаракат қилди. Жамоамдан кўнглим тўлди. Хитой ҳам ёмон жамоа эмас экан.

Эрон билан ўйиндан кейин тикланишимиз муҳим эди. Биз учун шу 3 очко ҳал қилувчи аҳамият касб этарди. Футболда эмоциялар катта роль ўйнайди. Биз уларни вақтида тия олдик. Вазифалар бажарилди. Эндиги мақсад Жанубий Корея билан ўйинга тайёргарлик.

Нурилло Тўхтасинов аслида асосий таркиб футболчиси, жуда кучли. Биз унга ишонамиз. Бу сафар эса Бозоровни синаб кўрдик. У мобилликда кучли. Катта ҳажмда иш бажарди ва чарчади. Иккаласидан кўнглим тўқ. Раҳмат ҳаммага", - дейди Любинко Друлович.