Льорентенинг "Ливерпуль"га иккита гол урган ўйиндаги либоси 8 минг еврога сотилди
13 apr 2020 11:38
News

Льорентенинг "Ливерпуль"га иккита гол урган ўйиндаги либоси 8 минг еврога сотилди

"Атлетико" ўйинчиси Маркос Льоренте коронавирус пандемияси қурбонларига ёрдам бериш учун маблағ тўплашда иштирок этаётгани ҳақида олдинроқ хабар қилган эдик.

Футболчи "Ливерпуль"га қарши "Энфилд"даги ЕЧЛ 1/8 финал жавоб ўйинида ҳаракат қилган либосини аукционга қўйди. Испаниялик ушбу баҳсда амалдаги чемпионлар дарвозасига захирадан тушиб иккита гол урган эди.

25 ёшли ўйинчининг либоси 8100 еврога сотилди.

Эслатиб ўтамиз, "Атлетико" ЕЧЛ 1/8 финалида "Ливерпуль" устидан умумий 4:2 ҳисобида ғалаба қозонган ҳолда, кейинги босқичга йўл олган эди.