ЛегионерУз. Абдухолиқов ва Турсунов жамоаларидан тушкун ҳолат, улар миссиядан узоқлаша бошлади
24 feb 2018 12:36
News
![](https://championat.asia/upload/storage/308945_original.jpg)
![](/upload/storage/308945_220.jpg)
ЛегионерУз. Абдухолиқов ва Турсунов жамоаларидан тушкун ҳолат, улар миссиядан узоқлаша бошлади
Аввалига Санжар Турсуновнинг “Ал-Ҳарайтият” клуби принципиал ўйинда “Ал-Араби”га қарши майдонга чиқиб, 1:2 ҳисобида имкониятни бой берди. Мазкур ғалаба сабаб мезбонлар турнир жадвалида олдинга ўтиб олди, Турсунов жамоаси эса хавфли зонага қайтиб кирди.
Al-Arabi |
Qatar Stars League . Round 18 23/02/2018, 17:50 1
:
2
Finished
|
Al-Khuraitiat |
Мазкур жамоаларнинг 1-давра ўйинида ғолибни аниқлашнинг имкони бўлмаганди — 1:1. Агар “Ал-Ҳарайтият” зафар қучганида, лигада жон сақлаб қолиш учун катта қадам ташланган бўларди.
Темурхўжа Абдухолиқов тўп сурадиган “Ас-Сайлия” клуби ҳам жадвалда ёнма-ён бораётган клубдан енгилди. Оқибатда “Умм Салал” футболчилари кучли тўртликка кириб олди. “Ас-Сайлия” эса Чемпионлар Лигасига йўлланма бериши мумкин бўлган сўнгги поғонадан 1 та пастга тушди.
Umm Salal |
Qatar Stars League . Round 18 23/02/2018, 20:00 0
:
1
Finished
|
Al-Sailiya |
“Ас-Сайлия” сўнгги 10 та ўйиндан фақатгина 1 тасида зафар қуча олди. Бу қониқарли кўрсаткич эмас. Абдухолиқовга ҳам, жамоасига ҳам мавсумнинг аввали яхшироқ келганди. Якун арафасида эса омад керагидан кўп узоққа кетиб қолгандек. “Умм Салал”га қарши 1-давра ўйинида “Ас-Сайлия” 3:2 ҳисобида ғолиб чиққанди.
19-турда “Ас-Сайлия”га бироз осон бўлади: рақиб — “Ал-Ҳор”. Санжар Турсунов жамоасида эса навбатдаги қийин ўйин — “Ал-Аҳли”.
Championat.asia статистикаси
Санжар Турсунов ҳам, Темурхўжа Абдухолиқов ҳам Қатар Юлдузлар Лигасида мунтазам ўйнамоқда. Шунга қарамай, миллий терма жамоа учун вақтинча масъул бўлган Тимур Кападзе Сенегал ва Марокашга қарши ўйинлар учун Турсуновни таркибга киритмади. Абдухолиқов эса терма таркибидан жой олди. Айни вақтда Турсунов учун асосийси — жамоасининг лигада жон сақлаб қолиши. Келгуси тақдири қандай кечиши эса ҳозирча номаълум.
![AMP Logo](https://championat.asia/image/logo-amp.png)
Comments