Кроос "Олтин тўп" ҳақида: "Винисиус, Беллингем, Карвахаль..."

"Реал"нинг собиқ ярим ҳимоячиси ушбу соврин учун финал учлигини қандай кўришни хоҳлашини айтди.

"Ҳар қандай тартибда: Вини, Жуд (Беллингем), Карвахаль. Агар мен овоз бериш ҳуқуқига эга бўлганимда, шу уч ўйинчидан бирини танлардим.

Мен уни бразилиялик Винисиус Жуниорга, англиялик Жуд Беллингемга ёки Испания терма жамоаси таркибида Европа чемпиони бўлган Даниэль Карвахалга топширган бўлардим. Мен уни ўзимга ҳам топширардим (кулади). Асосийси, уни "Реал" ўйинчиси олиши керак, чунки биз Европанинг энг муваффақиятли жамоаси эдик", - деди Кроос "Einfach mal Luppen" подкастида.