Клинсман: Милан яна футбол пойтахтига айланиши шарт
11 jan 2018 00:44
News

Клинсман: Милан яна футбол пойтахтига айланиши шарт

Футболчилик даврида “Интер”да тўп сурган немис мутахассиси Юрген Клинсман Италия футболи ҳақидаги фикрлари билан бўлишди.

“Доим нерадзурриларнинг ўйинларини телевизорда томоша қиламан. “Интер" мухлислари жамоага жуда яқин ва шу билан бир қаторда улар жуда талабчандир ҳам. Менинг “Интер”им ўзгача эди. Биз доим бир-биримизга улкан ҳурмат билан қараганмиз. Клуб президенти Эрнесто Пеллегрини билан унинг уйида бўлган тушликни унутмайман. У мени кўп нарсага ўргатган жуда ажойиб президент эди. Милан яна футбол пойтахтига айланиши шарт. Бунинг учун эса “Интер” ва “Милан” дунёнинг энг кучли жамоалари сафига қайтиши лозим”, — дейди Юрген Corriere della Sera’га берган интервюсида.