Кевин де Брюйне ўтган йилги финалдан кейинги илк ЕЧЛ ўйинидаёқ ҳафтанинг энг зўр футболчиси деб топилди

"Манчестер Сити" футболчиси Кевин де Брюйне ЕЧЛда ҳафтанинг энг зўр ўйинчиси деб топилди. "Ман Сити" сафида "Копенгаген"га қарши майдонга тушган футболчи битта гол ва ассист қайд этганди. Қизиқарли жиҳати шундаки, футболчи бу турнирдаги охирги ўйинини ўтган мавсум финалида "Интер"га қарши ўтказганди. Ўшанда ҳам у жароҳат туфайли майдонни эрта тарк этганди. Жароҳат сабаб ушбу мавсумдаги ЕЧЛ гуруҳ босқичи ўйинларини бутунлай ўтказиб юборган ярим ҳимоячи плей-офф босқичидаги илк ўйинидаёқ даражасини кўрсатиб қўйди.

Маълумот учун, ушбу ном учун Кевин де Брюйнедан ташқари Браим Диас (“Реал Мадрид”), Маттео Гендузи (“Лацио”) ва Килиан Мбаппе (ПСЖ) номзодлари ҳам қўйилганди.

Эслатиб ўтамиз, келаси ҳафтада бўлиб ўтадиган ЕЧЛ учрашувларида “Интер” — “Атлетико”, ПСВ — “Боруссия Д”, “Порту” — “Арсенал” ва “Наполи” — “Барселона” тўқнаш келади.