"Келажак юлдузлари" футбол фестивали ўз ниҳоясига етди

Ушбу мусобақада жами 20та жамоа иштирок этди. Тошкент шаҳар ихтисослаштирилган болалар ва ўсмирлар спорт мактаби залида ўтказилган барча ўйинлар ёш футболчиларга манзур келди. Мусобақа фестивал тартибида ўтказилгани боис якунда барча жамоаларга бир хил кубок, диплом ва олтин медаллар топширилди. 

Ўзбекистон футбол федерацияси ва Тошкент шаҳар футбол федерациясининг ўзаро ҳамкорлигида ташкил этилган ушбу фестивалда кеча учинчи кун учрашувлари ўтказилди ва шу билан навбатдаги турнирга якун ясалди. Жамоаларни тақдирлаш маросимида Маъмур Саидқосимов, Рауф Инилеев, Дилшод Нуралиев, Нодирхўжа Юлдашев каби футбол кишилари иштирок этишди. 

Қуйида учинчи кун натижаларини келтириб ўтамиз: 

2007 йилда туғилганлар
"Odil Junior" (Наманган) - "Металлург" 1:1 
"НефтГазМонтаж" - БЎСМ (Учкўприк) 4:2
"Мега Спорт" - "Локомотив-Бойсун" 1:4 
"Косонсой" - Бекобод 4:1
"Насаф" - "Junior Football" 3:2
"Odil Junior" (Тошкент) - "Насаф-2" 3:4

2008 йилда туғилганлар
"Odil Junior" - БЎСМ (Учкўприк) 6:1
“Насаф-2” - "Junior Football" 4:3
“Насаф” – Бекобод 2:1
"Мега Спорт" - ИБЎСМ (Тошкент) 2:4