Кассано: "Роналду Италияда кўп йиллар давомида ҳар мавсум 30-40та гол уриши мумкин"

"Криштиануни янги тажриба кутиб турибди. "Ювентус" унга кўп пул тўлайди, аммо бундан афсусланмайди, чунки у каби футболчи учун 100 млн. евро - яхши келишув.

Роналду 33 ёшда, бироқ у ўзининг жисмоний ҳолатига катта эътибор беради. А Серия савиясини ҳисобга олсак, у узоқ йиллар давомида ҳар мавсум 30-40та гол уриши мумкин.

Мен Макс Аллегри билан ишлаганман, у ҳақиқий феномен. Кўпчилик унга етарлича баҳо бермайди. Аллегрининг энг яхши қобилияти - ақл. У иқтидорли футболчиларнинг ўзини кўрсатишига ёрдам беради. Аллегри Роналду учун мос мураббий" - дейди Кассано.