Йоан Кабай: "Олдинга юқори мақсадларни қўйган ҳеч бир футболчи "ПСЖ" таклифини рад этмаса керак"

"Олдига катта мақсадлар қўйгап "ПСЖ" дойиҳасининг бир бўлаги бўлишдан мамнунман. Энг аввало бунинг учун ҳар икки клуб раҳбариятига миннатдорчилик билдираман. "Ньюкасл"да бир неча ажойиб йилларни ўтказдим. Бироқ у ерад Чемпионлар Лигасида ўйнай олмадим. Олдига қадам ташламадим.

Ҳозирги вақтда "ПСЖ"дек олдига юксак мақсадларни қўйган жиддий лойиҳадан бўлган таклифни рад этадиган футболчини топиш қийин бўлса керак. Мен совринлар ютишни истайман ва Парижда бунинг учун барча имкониятлар бор. Таклиф ҳақида билганимда асло иккиланиб ўтирмадим ва дарҳол рози бўлдим.

Мен Европанинг топ-клубларидан бирига ўтдим. Албатта, бу ерда мени жиддий рақобат кутиб турибди. Бор кучим билан таркибдан доимий жой олишга ҳаракат қиламан. Бош мураббйи менга асосий таркибда бўлишимга кафолат бермаган.

Тезроқ "ПСЖ" таркибидаги биринчи ўйинимни ўтказгим келяпти. Ўзимни жуда яхши ҳис қиляпман ва ўйинларга тўлиқ тайёрман. Жума куни бўлиб ўтадиган "Бордо" билан ўйинда майдонга тушарман балки", - деди Кабай.