ЖЧ-2018 стадионлари: «Мордовия Арена» ҳақида нималарни билишимиз керак?

• «Мордовия Арена»стадионида ЖЧ-2018 гуруҳ босқичининг 4та ўйини бўлиб ўтади
• Стадион Саранск шаҳрининг Инсар кўли бўйида қад ростлаган
• ЖЧ-2018дан сўнг, стадион «Мордовия» клубининг уй аренаси бўлиб хизмат қилади 

Ўйинлар
«Мордовия Арена»  стадионида ЖЧ-2018 гуруҳ босқичининг 4та ўйини бўлиб ўтади. Ушбу арена дастлаб Перу ва Дания терма жамоаларини қабул қилади. Бу ўйин 16 июнь санасида ўтиши белгилаб қўйилган.

Имкониятлари
Чемпионат вақтида «Мордовия Арена»га 44 000 томошабин ташриф буюриши мумкин бўлади. Саранск шаҳри имкониятларидан келиб чиқсак, бу ажойиб кўрсаткич.

Жойлашган ўрни
Янги стадион шаҳарнинг Инсар кўли бўйида барпо этилган. Шунингдек, меҳмонхона, мухлислар фестивали майдони ва бошқа кўнгилочар дам олиш масканлари аренага яқин бўлган жойларда қурилган.    

Биласизми?
«Мордовия Арена» қурилишида оловранг, қизил ва оқ ранглар уйғунлигидан фойдаланилган. Улар барчага «Мордовия» футбол клубининг логотипини эслатиб туради.

Дастлабки ўйинлар
Яқиндагина қурилиш ишлари якунланган «Мордовия Арена»да дастлабки ўйинлар апрель-май ойларида бўлиб ўтди. 21 апрель куни «Мордовия» клуби «Зенит-Ижевск»ни, 4 май санасида «Камаз»ни клуби қабул қилди. 16 майда эса “Мордовия” клуби илк ғалабага эришди ва миллий футбол лигасига чиқиш йўлланмасини қўлга киритди.      

Мерос
Жаҳон Чемпионати-2018 дан сўнг, ушбу стадион “Мордовия” клубининг уй аренаси бўлиб қолади. Республика ва шаҳар ҳукумати кейинчалик стадионни Саранск ва Мордовиянинг йирик спорт ва кўнгилочар масканига айлантирмоқчи. Шунингдек, «Мордовия Арена» маҳаллий тадбирлар ўтказиладиган жой бўлиши режалаштирилмоқда.

fifa.com сайтидан Нозима Зарипова таржимаси