Ислом Тўхтахўжаев: "Антонио Сориоглу ўз ишининг устаси. Унинг қайтганидан хурсандмиз"

Хабаригиз бор, йиғин аввалида Вадим Абрамовнинг мураббийлар штаби таркибида ўзгариш юз берди. Ўзбек футболи ихлосмандларига таниш бўлган Антонио Сариоглоу эндиликда жисмоний тайёргарлик бўйича мураббий сифатида миллий жамоамизда фаолият олиб боради. Биз шу ва бошқа мавзуларда терма жамоамизнинг маҳоратли ҳимоячиси Ислом Тўхтахўжаевнинг фикрлари билан қизиқдик.

"Йиғин кўтаринки кайфиятда ўтмоқда. Ҳа, БААдаги машғулотларда асосан маҳаллий футболчилар иштирок этяпти. Менимча расмий ўйинларда ким ўйнашини ёки ўйнамаслигини мураббий ҳал қилади. Қолаверса ўша пайтга келиб легионерлар етиб кела оладими ёки йўқми Яратганга аён. Ҳозирги шароитда қанча кўп йиғин ўтказилса терма жамоа учун шунча фойдали бўлади. 

Мураббийлар штабида ўзгариш юз берди. Ҳаммаси яхшиликка бўлсин, деб қоламиз. Антонио ўз ишининг устаси. Унинг қайтганидан хурсандмиз. Жисмоний ҳолатни қандайлиги биринчи навбатда футболчининг ўзига боғлиқ. Бугунги замонавий футболда жисмоний тайёргарлик бўйича мураббийлар энг керакли мутахассислар ҳисобланади. 

Ўртоқлик учрашувлари, айниқа "Зенит"га ўхшаган Европа даражасидаги рақиблар билан ўйинлар ҳар доим фойдалидир", - деди Тўхтахўжаев.