Илҳом Мўминжоновнинг дисквалификация муддати якунланди, энди у истаган жамоада ишлай олади
01 jan 2021 21:03
News

Илҳом Мўминжоновнинг дисквалификация муддати якунланди, энди у истаган жамоада ишлай олади

2019 йилнинг 1 апрелида ЎФА Этика қўмитаси томонидан "Навбаҳор" футбол клубининг собиқ бош мураббийи Илҳом Мўминжонов 4 йил муддатга футболдаги ҳар қандай фаолиятдан четлаштирилган эди.

2020 йилнинг 3 январида "Сурхон" футбол клуби Этика қўмитасига Илҳом Мўминжонов ишини қайта кўриб чиқишни сўраб мурожаат қилган. Мазкур мурожаатда "Сурхон" футбол клуби кафил сифатида Илҳом Мўминжоновнинг дисквалификацияси бўйича қарорни қайта кўриб чиқиб, унинг мураббийлик фаолияти тикланиши сўралган.

Мазкур мурожаат ЎФА Этика қўмитаси томонидан атрофлича ўрганиб чиқилиб, Илҳом Мўминжоновга нисбатан қўлланилган 4 (тўрт) йил муддатга футболдаги ҳар қандай фаолиятдан четлаштириш интизомий жазо чораси қисқартирилган ва унинг дисквалификацияси 2020 йилнинг 31 декабрига қадар амал қилди.

Маълумот учун, олдинроқ Мўминжонов Фарғонанинг "Нефтчи" клуби бош мураббийига айланиши ҳақида хабар чиққан эди.

Link :

Source : championat.asia

Receive latest football news directly on your phone. Subscribe for our Telegram channel!

Rating: +8