Ҳаким Фузайлов: "Балки икки очко йўқотгандирмиз, лекин ўйин натижасидан қониқдим"

Ўйин ҳақида

- "Машъал" биз билан ўйинга қадар чемпионат пешқадами эди. Йигитлар рақибга имкон бермасликка ҳаракат қилишди, буни кийиниш хонасида ўзларига ҳам айтдим. Ўйин давомида меҳмонларга бўш худудларга чиқиб боришларини олдини олишга интилдик, зарба беришга имкон бермасликка уриндик. Балки 2 очко йўқотгандирмиз, лекин бу ўйин натижасидан мамнун бўлдим. Босқичма-босқич кучайиб борамиз. Ҳозир жамоага бир оз маҳорат етишмаяпти. Йўқотишларимиз ҳам бор, бу ҳам алоҳида эътиборли муаммо.

- Майдон ҳолати ҳақида гапириб ўтсангиз?

- Аниқ эслолмайман, бир вақтлар "Хива" жамоаси билан Хоразмда ўйнаганман. Ўшанда бу ердаги майдон сунъий эди. Балки Хоразмдаги иқлим табиий майдон ривожи учун халақит берар, билмадим. Лекин бизга имкон қадар яратиб берилаётган шароит учун рахмат айтган бўлардим.