Германияда Футбол Лигаси пандемия даврида яна бир олқишли ва намунали ишга қўл урди

«ГФЛ ҳудудий футбол лигалари ҳамда ҳудудий ассоциацияларига пандемия даврида ихтиёрий равишда 1,5 миллион евродан компенсация тўлайди

ГФИ (Германия Футбол Иттифоқи) ва ГФЛ (Германия Футбол Лигаси) ўртасидаги шартномага кўра, ҳудудий лига ва ассоциациялар Бундеслига ва Бундеслига 2 жамоаларининг ўйинларидаги чипталар савдосидан тушадиган маълум фоиз миқдорда пул олишарди. Мавсум якунига қадар чемпионат ўйинлари мухлисларсиз ўтказилиши ва бунинг оқибатида ҳудидий лига ва ассоциациялар даромадсиз қолишини олдини олиш мақсадида ГФЛ ўз ихтиёри билан ҳудудий лига ва ассоциацияларга 1,5 миллиондан компенсация пулини тўлайди.

Дастлаб 750 минг евро кечиктирилмасдан тўлаб берилса, қолган ярим қисми Бундеслига 26-тур ўйинлари ўтказилиши биланоқ тўланади. Шартнома бўйича форс-мажор ҳолатида компенсация тўлаши мажбурий эмас. Шунчаки чемпионат давом эттирилаётгани ва ўйинлар мухлисларсиз ўтиши натижасида ҳудудий лигалар чипталар савдосидан ўз улушини ололмаслигини инобатга олган ва мажбур бўлмаган пайтда ҳам виждони қийналган ГФЛ жентельменлардек иш тутди. Шунчаки respect!", - деб ёзади Шаҳбоз Беғамов ўзининг телеграмдаги каналида.