Футзал. U-20 Осиё чемпионати. "C" гуруҳи. Ливан ва Гонгконг 1-турда ғалаба қозонди

Тарихда илк бор ўтказилаётган мусобақа Таиланд пойтахти Бангкок шаҳрида бўлиб ўтмоқда. Вакилларимиз Ўзбекистон U-20 терма жамоаси жой олган "C" гуруҳида биринчи тур беллашувлари бугун ташкиллаштирилди. Унда Ливан ёшлари Қатарни (3:0), Гонгконг ёшлари эса Мьянмалик тенгдошларини (2:1) мағлуб этишди.

U-20 Осиё чемпионати
"C" гуруҳи, 1-тур
"Bangkok Arena", 16.05.2017
Ливан U-20 - Қатар U-20 3:0
Голлар: С.Коуюмжиан 2, М.Сабер 12, Ж.Алсади 33 (авт.)

Гонгконг U-20 - Мьянма U-20 2:1
Голлар: Мин Ҳу 21 (авт.), Л.Син Фунг 40 - Й.Лин Тун 11

Эслатиб ўтамиз, Ўзбекистон U-20 терма жамоаси Осиё чемпионатидаги юришини эртага Мьянмага қарши баҳс билан бошлайди. Учрашувнинг бошланиш вақти - 09:00.