Футзал. Рустам Умаров: "Мураббийларимиз тўғри тактика танлашди"
03 dec 2014 15:09
News

Футзал. Рустам Умаров: "Мураббийларимиз тўғри тактика танлашди"

"Tashkent Cup-2014" халқаро турнири доирасида ўтказилган Ўзбекистон - Қозоғистон (1:1) учрашувининг энг яхши ўйинчиси деб топилган ҳамюртимиз Рустам Умаровнинг фикрлари билан қизиқдик.

Умаров ўйиндан олдин берган интервьюсида Игита билан дуэлга тайёрлигини айтиб ўтган эди, кеча у буни исботлади.

"Биз бошидан ўйин жуда қийин ўтишини билардик. Қозоғистон Европада ўйнайди ва уларда катта тажриба бор. Европа ва Осиё футзалининг фарқи катта. Лекин биз шунга яраша кучли тайёргарлик кўрдик, битта вазиятни ўтказиб юбордик ва ғалабадан махрум бўлдик. Ишлашда давом этамиз.

Ўйиндан аввал ҳимоядан ўйнаш ҳақида уқтиришган эди, беллашув давомида эса вазиятлардан келиб чиқиб, шунингдек мураббийларимизнинг кўрсатмасига кўра прессинг уюштирдик.

Мураббийларимизнинг тўғри тактика танлашгани эвазига бир қанча вазиятларда рақибга имкон бермадик, тўғри ҳимояландик, барча бурчакларни, чизиқларни ва тўп узатиш мумкин бўлган йўналишларни ёпдик".

Толибжон Қосимов

Link :

Source : championat.asia

Receive latest football news directly on your phone. Subscribe for our Telegram channel!

Rating: