Футзал. Осиё чемпионати Туркманистонда эмас, бошқа мамлакатда ўтиши мумкин

"Қувайт футбол ассоциацияси клубларни мамлакат чемпионати расман ноябрь ойининг иккинчи ярмига қолдирилгани ҳақида хабар берди. Бу муддат футбол ассоциациясининг 4 ноябрдан 15 апрелга қадар футзал бўйича Осиё чемпионатига тайёргарлик кўриши кераклигига ҳам ишорадир.

Эслатиб ўтаман, Туркманистон ушбу мусобақани февралда қабул қилиши керак эди. Аммо, ҳали коронавирус расман қайд этилмаган Туркманистон чегараларни ёпиб қўйди ва мусобақа августга кўчирилди. Кейинчалик Туркманистон мусобақани кузда ҳам қабул қила олмаслиги ойдинлашди. Шу билан бирга ОФК ҳомийлар олдидаги мажбуриятлар сабаб Осиё чемпионатини келаси йилга қолдира олмайди. Якунда, Туркманистоннинг ўрнига бошқа мамлакат топилганга ўхшади.

Агар Қувайт шу Осиё чемпионатини қабул қилса, "B" гуруҳида Қувайтнинг рақиблари Япония, Ливан ва Қирғизистон билан ўйинлар яна ҳам муҳимроқ бўлади. Барча Осиё чемпионатлари рейтингида Япония иккинчи, Қирғизистон бешинчи, Ливан еттинчи ва Қувайт саккизинчи ўринда бормоқда. Ушбу гуруҳ бошидан "ўлим гуруҳи" бўлган. Қувайт эса мусобақа мезбони бўлиши мумкин.

Албатта, Туркманистон ва Қувайтнинг жойларини алмаштириш мумкин эди. Туркманистон мусобақа мезбони сифатида биринчи саватчада ўз ўрнини эгаллаган. Бу статуснинг олиб қўйилиши эса ўз-ўзидан имтиёзлардан ҳам маҳрум этилишига олиб келиниши мумкин", - деб ёзади Никимбаев.