Футзал бўйича Осиё чемпионати ўйинларини ёритишни истаган ОАВ диққатига

Мазкур чемпионат ўйинларини ёритишни истаган ОАВ ходимлари ва журналистлар Осиё Футбол Конфедерацияси расмий сайти медиа каналидан - media.the-afc.com заявка бериш орқали аккредитация олишлари мумкин бўлади. ОФК медиа каналида рўйхатдан ўтмаган ОАВ вакиллари эса, дастлаб юқоридаги ҳаволага кириб рўйхатдан ўтишлари, кейинчалик эса ўзлари ёртишни истаган турнирга заявка беришлари мумкин бўлади.

Эслатиб ўтамиз, Тошкент шаҳри мезбонлик қиладиган Осиё чемпионати баҳслари 10 февраль куни старт олади. Мазкур чемпионат ўйинлари Тошкентдаги "Ўзбекистон" ҳамда "Универсал" спорт мажмуаларида бўлиб ўтади.

Таъкидлаш жоиз, 10-21 февраль кунлари бўлиб ўтадиган футзал бўйича Осиё чемпионатида дастлабки беш ўринни эгаллаган терма жамоалар шу йили Колумбияда бўлиб ўтадиган Жаҳон чемпионатига йўлланма олади.