Футзал. Ассоциация кубоги 24-29 октябрь кунлари бўлиб ўтади
17 oct 2016 11:43
News

Футзал. Ассоциация кубоги 24-29 октябрь кунлари бўлиб ўтади

Футзал бўйича Ўзбекистон миллий чемпионатининг янги мавсуми бошланишига оз фурсат қолди.

Мавсумга старт берилишидан олдин эса, мамлакатимизнинг профессионал ва ҳаваскор жамоалари ўртасида анъанавий турнир - Ўзбекистон футзал Ассоциациясининг Кубоги ўтказилади. Ушбу йилги мусобақада жами 16та жамоа иштирок этади. Жамоалар тўрт гуруҳга бўлинган ҳолда ғолиблик учун курашга киришадилар, ҳар бир гуруҳдан биринчи ва иккинчи поғонани банд этган клублар плей-офф босқичига йўл олишади.

Мусобақанинг қуръа ташлаш маросими 23 октябрь куни ЎФА биносида бўлиб ўтади. Ўйинлар 24-29 октябрь кунлари "Ўзбекистон" спорт мажмуасида ўтказилади. Эслатиб ўтамиз, турнирнинг амалдаги чемпиони - "Ардус" жамоаси.

Link :

Source : ufa.uz

Receive latest football news directly on your phone. Subscribe for our Telegram channel!

Rating: +2