Футзал. Артур Юнусов Вьетнамда илк совринни қўлга киритди ФОТО + Видео
20 jul 2015 16:20
News

Футзал. Артур Юнусов Вьетнамда илк совринни қўлга киритди ФОТО + Видео

Футзал бўйича Ўзбекистон миллий терма жамоаси сардори Артур Юнусов яқинда Вьетнамга йўл олган эди.

Клублар ўртасидаги Осиё чемпионлар лигасида иштирок этиш учун Вьетнамнинг "Тай Сон Нам" клубига ўтган Артур янги жамоаси билан илк совринни қўлга киритди.

Вьетнамда ўтказилган турнирда жами 8 та жамоа икки гуруҳга бўлинган ҳолда ғолиблик учун кураш олиб борди. Турнир финалида Юнусов тўп тепаётган "Тай Сон Нам" жамоаси "Санна Кхань Хоа" клубини 4:0 ҳисобида мағлуб этиб турнир ғолибига айланди. Эътиборли томони, Артур Юнусов финалда жамоасининг биринчи голига муаллифлик қилди.

Қуйида "Тай Сон Нам" ҳамда "Санна Кхань Хоа" жамоалари ўртасидаги финал учрашувида киритилган голларни томоша қилишингиз мумкин.

ВИДЕО