«Финалда мухлислар бизни стадиондан қўллаб-қувватлашиб, 12-ўйинчи бўлиб беришади» — Достон Турсунов

Ҳимоячимиз Достон Турсунов ҳам «Championat.asia»га интервью берди.

— Ўйин ҳақида фикрингиз…

— Япония билан ўйинга яхши тайёргарлик кўргандик. Уларни ўрганиб чиққан эдик. Шунга яраша мураббийимиз тўғри тактика қўйди. Биз айни шу тактика асосида ўйнадик ва ғалаба қозондик.

— Ўйин охирида алмаштирилдингиз, бу жароҳат билан боғлиқми ёки чарчаб қолганмидингиз?

— Озгина томирларим тортишди. Шу сабаб алмаштирилдим.

— Жамоа ичида кайфият қандай?

— Кайфият жуда аъло даражада. Мақсадимиз чемпионлик. Насиб қилса бунга эришамиз.

— Стадионга ўзбекистонлик мухлислар кирмаган бўлса ҳам ташқарида жуда кўп мухлис тўпланди. Уларга тилакларингиз борми?

— Уларга каттакон раҳмат айтамиз. Финалда бизни стадиондан қўллаб-қувватлашса янада кучлироқ бўламиз, улар 12-ўйинчи бўлиб беришади.