Фарруҳ Шотурсунов: "Биринчи бўлимни 3 баҳога лойиқ ўтказдик"

"Қийин ўйин бўлди. Биринчи бўлимда йигитлар билан қовуша олмадикми ёки иссиқ халақит қилдими билмадим. Бироқ жуда қийналдик. Танаффусда йигитлар билан иккинчи бўлим хусусида гаплашиб олдик ва кейинчалик барчаси яхши томонга ўзгарди. Биринчи бўлимни 3 баҳога лойиқ ўтказдик. Иккинчи бўлимда эса ўйинимиз очилиб кетди ва кетма кет голлар уришни уддаладик.

Про-лиганинг савияси ошмоқда. Бу кейинчалик ҳам давом этса керак. Ўзбек футболидаги ўзгаришлар туфайли Про-лига ҳам анчагина кучайди деб ҳисоблайман.

Янги футболчилар жамоага тезда кўникиб кета олади. Чунки бу ердаги йигитлар ўзаро аҳил. Янгиларни акаси ёки укасидек қабул қилади.

Узоқ вақт ўйинга тушмагандан кейин бирданига баҳсга қайтса, ҳар қандай футболчига қийин бўлади. Ҳа, ўртада дисквалификация сабабли бир неча турларда қатнашмадим. Аммо, машғулотлар туфайли ўз жисмоний ҳолатимни ушлаб тура олдим", - деди футболчи.

"Нурафшон" - "Ифтихор" учрашувида Фарруҳ Шотурсунов дубль қайд этишга муваффақ бўлди.