Фарҳод Тожиевнинг даволаниши тахминан 20 кунга чўзилади

Футболчи 31 июль куни бўлиб ўтган “Локомотив” – “Бунёдкор” баҳсида оғир жароҳат олиб майдон тарк этганди. Кейинчалик унинг ўрнига Иван Нагаев туширилди.

Бизга маълум бўлишича, Тожиевнинг жароҳати унчалик жиддий эмас. Унинг суяк тизимида ҳеч қандай синиш йўқ, фақат оёғининг жароҳатланган қисми қон қуйилиши натижасида шишиб, кўкариб кетган, холос. Тожиевларнинг кичиги яқин ўн кунни даволаниш билан ўтказади, кейин эса тахминан яна шунча кун тикланишга кетади. Катта эҳтимол билан ҳужумчи август ойининг иккинчи ярмида майдонга қайтиши кутилмоқда.

Эслатиб ўтамиз, 14 август бўлиб ўтадиган Ўзбекистон  Туркия ўртоқлик учрашувига Фарҳод Тожиев ҳам таклиф олган. Бироқ жароҳат сабаб футболчи ушбу ўйинда майдонга туша олмайди.

FIFA.UZда олий лигада ёзда содир бўлган трансферларни қўшдик. ПФЛ клубларга 10 август кунига қадар рўйхатдан ўтказиш имконини бергани учун якуний трансферлар кейинги ҳафта сайтга жойланади. Олий лигада 6та трансферни амалга ошириш имкони борлигини эслатиб ўтмоқчимиз. 14-тур учун дедлайн 4 август куни соат 12:00 да тугайди. Шошилинг.