Фарғонада “Болалар лигаси” мусобақаси ўтказилди
25 jul 2019 14:59
News

Фарғонада “Болалар лигаси” мусобақаси ўтказилди

22-25 июль кунлари Фарғона вилоятининг шаҳар ва туманларида 2006 йилда туғилган ИБЎСМ ва БЎСМ тарбияланувчилари ўртасида вилоят чемпионати бўлиб ўтди.

Ўйинлар 4 та гуруҳга бўлинган ҳолда ташкил этилди. Ўз гуруҳларида 1 ва 2-ўринни олган жамоалар Марғилон шаҳридаги 1-БЎСМ “Меҳнат” стадионида ўтказилган финал босқичида майдонга тушдилар. Ўзаро ўйинлар натижасига кўра 3-ўринлар Қўқон шаҳар 2-БЎСМ ҳамда Фарғона тумани 2-БЎСМ жамоаларига насиб этди. Финал ўйинида Марғилон шаҳрининг 1-ва 2-БЎСМ жамоалари майдонга тушдилар. Рақибини 1:0 ҳисобида мағлубиятга учратган 1-БЎСМ жамоаси ёшлари вилоят чемпионлигини қўлга киритдилар.
Мусобақада 10 та жамоа сафида 200 нафар ёш футболчилар иштирок этди.

Ўйинлар оммавий ахборот воситалари ҳамда интернет каналларида ёритилди.