Latest news

00:55Фримпонг жароҳати қанчалик жиддий экани маълум бўлди  0 00:51Эдем Неманов: "Медаллар учун курашамиз ва барчаси ўзимизга боғлиқ"  0 00:50Владимир Бубанья: "Насиб бўлса, ўтиш ўйинларида иштирок этмаймиз"  0 00:39Вадим Абрамов: "Самарқанд ЖЧга мезбонлик қиладиган стадионга эга бўлиши керак. Чемпионлик учун курашмаётганимизга ўзимиз айбдормиз"  0 23:55Шерзод Жўраев: "Насаф"дек жамоага қарши футболчиларни алоҳида руҳлантириш шарт эмас"  0 23:30Месси МЛСдаги танаффус пайтида Саудия Арабистони клубига ўтмоқчи эди, аммо саудияликлар бунга рози бўлишмаган  12 23:11Расман: Лучано Спалетти "Ювентус" бош мураббийи этиб тайинланди  3 23:05Суперлига. "Навбаҳор" – "Насаф" 0:0  2 22:59Рўзиқул Бердиев ОКМК билан ўйиндан кейинги матбуот анжуманида айтган гаплари бўйича изоҳ берди (тўлиқ матбуот анжумани)  17 22:31Пирс Морган Криштиану Роналдунинг ҳаётидаги "энг очиқ" интервьюни эълон қилди. Суҳбат кейинги ҳафта премьера қилинади  3 22:02Ҳаким Фузайлов: "Жамоам 70 дақиқа футбол ўйнаяпти. Балки ўрнимга бошқа мураббий мавсумни тугатиб қўйгани маъқулдир"  5 21:39Лисандро оғир жароҳатидан сўнг МЮ машғулотларига қайтди  0 20:50Ибрагимович: "Интер"да бир қоида бор эди: агар кетма-кет икки ўйинда ютқазсак, маошлар кечиктириларди"  2 20:35Суперлига. "Насаф" "Навбаҳор" майдонида очко йўқотди  201 20:27Суперлига. "Динамо" "Хоразм"ни ишончли тарзда мағлуб этди  11

Етакчиларимиздан бири гипсини ечтирди, жароҳатланганлар ва бетоблар бор. Ўзбекистон футзал терма жамоаси лагеридан дараклар ГАЛЕРЕЯ News

Етакчиларимиздан бири гипсини ечтирди, жароҳатланганлар ва бетоблар бор. Ўзбекистон футзал терма жамоаси лагеридан дараклар ГАЛЕРЕЯ

Айни пайтда Баҳодир Аҳмедов бошчилигидаги Ўзбекистон миллий терма жамоаси Тошкентда йиғинни давом эттирмоқда.

Машғулотлар кунига икки маҳалдан олиб борилмоқда. Бу ҳақда хабар берган эдик.

Қитъа биринчилигига тайёргарликнинг сўнгги босқичини олиб бораётган Ўзбекистон МТЖ Уммон терма жамоаси билан иккита ўртоқлик учрашуви ўтказиш борасида келишувга эришгани ҳақида ҳам бироз аввал хабар бергандик.

Футзал. Ўзбекистон МТЖ Уммон билан ўртоқлик ўйинлари ўтказади

Афсуски, терма жамоанинг машғулотларида бир йўла 4 нафар футзалчи иштирок эта олмаяпти. Дилшод Раҳматов, Фарҳод Абдумавлонов ва Илҳом Ҳамроевлар шамоллаб қолган бўлса, Клим Тюгаев тиззасидан кичик жароҳат олган. Бундан ташқари, жароҳат олган яна бир ўйинчи Шаҳзод Саъдиевнинг ўрнига йиғинга "Динамо"нинг бошқа бир аъзоси Лазиз Убайдуллаев жалб қилинган.

Дилшод Раҳматов шамоллаш сабаб машғулотларни вақтинча ўтказиб юбормоқда.


Клим Тюгаев эса тиззасидан енгил жароҳат олган.


Терма жамоа лагеридан яхши янгилигимиз ҳам бор. Етакчиларимиздан бири Даврон Чориев бугун оёғидаги гипсни олдирди. Ҳозирча ҳаммаси жойида ва мураббийлар душанбадан уни машғулотларда кутишаётганини таъкидлашди.

Даврон Чориев бугун оёғидаги гипсни ечтирди. Ҳаммаси жойида бўлса душанбадан енгил машқларни бошлайди.


Бугун жами 16 нафар футзалчи машғулотларда иштирок этди. Яна 5 нафар ўйинчи душанбадан яна машғулотларга қайтиши кутилмоқда. Айни пайтда мураббийлар ўйинчиларнинг жисмоний ҳолатини яхшилаш устида ишлашмоқда ва юкламалар берилмоқда. Машғулотлар қувноқ, шу билан бирга йигитлар учун чарчоқ билан ўтмоқда)

Рустам Умаровга қараб юкламалар қай даражада бўлаётганини тахмин қилишингиз мумкин)


Йиғинда иштирок этаётган футзалчилар рўйхати:

Дарвозабонлар:
Рустам Умаров (АГМК), Равшан Элибоев ("Пахтакор"), Аббос Элмуродов ("Локомотив"), Клим Тюгаев ("Локомотив").

Ўйинчилар: Анасхон Раҳматов (АГМК), Машраб Одилов (АГМК), Ихтиёр Ропиев (АГМК), Илҳом Ҳамроев (АГМК), Дилшод Раҳматов (АГМК), Ҳусниддин Нишонов (АГМК), Акбар Усмонов (АГМК), Хушнур Эркинов ("Сўғдиёна"), Сунатулла Жўраев ("Насаф"), Абдулла Солиҳов ("Локомотив"), Равшан Исматуллаев ("Динамо"), Жавлон Аноров ("Максам-Чирчиқ"), Константин Свиридов ("Максам-Чирчиқ"), Дилмурод Шавкатов ("Пахтакор"), Фарҳод Абдумавлонов ("Пахтакор"), Лазиз Убайдуллаев ("Динамо").


Футзал бўйича Ўзбекистон миллий терма жамоасининг бугунги машғулотидан ажойиб кадрларни сайтимизнинг махсус бўлими орқали томоша қилишингиз мумкин. >>>>> ФОТОГАЛЕРЕЯ

Фото: Толибжон Қосимов


Эслатиб ўтамиз, Осиё чемпионатида 16 терма жамоа 4 гуруҳга бўлинган ҳолда ғолиблик учун кураш олиб боради. Баҳодир Аҳмедов бошчилигидаги Ўзбекистон МТЖ "C" гуруҳида Баҳрайн, Хитой ҳамда Индонезияга қарши баҳс олиб боради. Уммон эса "A" гуруҳида Туркманистон, Вьетнам ҳамда Тожикистон термалари билан беллашади.

Қитъанинг энг кучли 5 жамоаси Литвада бўлиб ўтадиган тўққизинчи мундиалга йўлланмани қўлга киритади.


Футзал бўйича Ўзбекистон миллий терма жамоасининг бугунги машғулотидан ажойиб кадрларни сайтимизнинг махсус бўлими орқали томоша қилишингиз мумкин. >>>>> ФОТОГАЛЕРЕЯ

Rating: +1   

Similar news

Comments

championat.asia
< show latest news
Яндекс.Метрика