Эрнесто Вальверде Мессининг голи ҳақида: “Бу ажойиб жарима зарбаси эди”

“Мессининг қилаётган ишлари одатдагидек. Биз унинг бундай ишларига мунтазам гувоҳ бўламиз. Агар бошқа кимдир бу ишни бажарса, бу нарса кутилмаган ёки одатдагидек иш ҳисобланмаслиги мумкин бўларди. Аммо бу ишларни Месси деярли ҳар кунги ишга айлантириб олган. Бу ажойиб жарима зарбаси эди. Биз буни такрорлашдан чарчаяпмиз, бироқ баъзилар бундан умуман чарчамайди. Дембеле ҳам яхши ўйин кўрсатди. У голлар урмоқда. Умуман олганда эса ўйин қийин кечди. Рақиб яхши ўйнади. Қарши ҳужумлардан имкониятлар излади. Ўзининг тезкор ўйинчилари билан бундан фойдаланишга ҳаракат қилиб кўрди. Биринчи голни уриш қийин бўлди. Иккинчи бўлимни ажойиб бошладик. 1:0 ҳисоби вақтида хавф сақланиб қолаётган эди. Лекин 2-голни ургандан сўнг анча тинчландик”,—дейди Эрнесто.