Эрнесто Вальверде: "Месси ўзини бироз ноқулай ҳис қилаётган эди, таваккал қилишни хоҳламадик"

– Мессининг ҳолати қандай?
– Ҳаммаси жойида, лекин бугун таваққал қилмасликка қарор қилдик. Унда бироз ноқулайлик бўлганлиги учун Мессини иккинчи бўлимда майдонга туширдим. Жамоа ва ўйинчиларга яхши бўлиши учун ҳар доим бу каби қарорлар қилиб туриш керак. Лео майдонга тушганида вазиятни бир ўзи ҳал қила олади. Ҳар сафар тўпни қабул қилиб олган паллада, рақиб дарвозаси олдида нимадир қила олишини ҳис қиламиз.

– Бугунги натижани қандай баҳолайсиз?
– Албатта, рақиб биринчи дақиқалардан гол урса, сиз ҳисобни тенглаштирсангиз, бу яхши. Ўйин аввалида улар тўпга узоқ вақт эгалик қилишди. Кейин биз хавфли вазиятлар ярата бошладик. Ҳаммаси бизнинг қўлимизга ўтганида дуранг натижага эришдик. Учрашув давомида турли ҳил босқичлардан ўтдик.

– Жавоб ўйини олдидан устунлик ким томонида?
– Ҳеч нарса ҳал бўлмади. Фаворит йўқлиги кундек равшан. Рақибимизнинг салоҳиятини ҳисобга олган ҳолда кўп нарса айта олмайман. Баҳс оғир ва қаттиқ бўлишини билардик, – дея Вальверденинг сўзларини келтирди Маrca нашри.