Эмери ушбу ёзда "Арсенал"дан кетказиб юбориши мумкин бўлган 3 футболчи

Жаҳон футболи фалсафасидан маълумки, янги мураббий эса ҳар доим ўз фалсафасига мос тушадиган футболчиларни излайди. Шунингдек, у бир неча футболчиларни жамоадан кетказиб юбориши эҳтимоли жуда юқори.

Хўш, ушбу мавсумда жамоани кимлар тарк этиши мумкин?

3. ГРАНИТ ЖАКА

Якунланган мавсумда швейцариялик футболчи "Арсенал"нинг энг яхши футболчиларидан бири бўлди. У жамоа таркибида 46 учрашувда қатнашган бўлса-да, мухлислар унга илиқ муносабат билдиришмади.

Унинг жамоадаги позициясини таҳлил қилиш жуда қийин. У таянч ярим ҳимояда кўпроқ ўйин кўрсатади ва бошқа жойларда яхши ўйин кўрсата олмайди.

25 ёшли футболчи марказий ярим ҳимояда ўйнаши учун анчагина тартиб етишмайди. Шунингдек, ушбу позицияда тўп сурган вақтида кучи ҳам етмай қолди. Чарчаганида у шерикларининг ортида "яшириниб" олди.

Гарчи у яхши ўйин кўрсатган бўлса-да, "Арсенал"нинг марказий ярим ҳимоясида ва таянч нуқтасида ҳам муаммолар кўзга ташланди.

Шу боисдан Жака Эмерининг ўйин услубига мос тушмаслиги мумкин. "Арсенал" айни дамда "Ницца"нинг юлдузи Жан-Мишель Серининг ўйинларини кузатиб бормоқда. Агарда у жамоага олиб келинган тақдирда Жака захирага ўтиради ёки "Арсенал"дан кетади.

2. ШКОДРАН МУСТАФИ

Мустафи "Арсенал" таркибида стандарт позициясига эга бўлмагани учун Германия термасига чақирилмади.

2016 йилда "Арсенал" уни "Валенсия"дан сотиб олганида, даҳшатли трансфер деб айтилганди. Бироқ Мустафи "Арсенал"нинг ўйинларига мос тушмади.

Якунланган мавсумда "Арсенал" таркибида 35 учрашувда қатнашган бўлса-да, у ўз ҳаракатларини ва жамоасининг ўйинини кучайтириб бера олмади. Кубок доирасида Мустафининг "Манчестер Сити"га қарши баҳсдаги ўйинини эса мухлислар ёмон хаёл билан эслашади.

Унда совуққонлик етишмаслиги анча олдин пайқалганди. Мавсум давомида айнан шу жиҳат етишмаслиги сабабли ўтказиб юборилган икки голнинг асосий айбдорига айланиб қолди. Катта ўйинларда эса унинг қандай даражадалиги билинди.

Айни дамда Мустафи ёзда Шимолий Лондонни тарк этиши мумкин бўлганлар рўйхатида турибди. “The Telegraph” хабарига кўра, "Арсенал"нинг унинг ўрнига туркиялик Чаглар Сюнжюни нишонга олмоқда.

1. ДАННИ УЭЛБЕК

"Манчестер Юнайтед"нинг собиқ ҳужумчиси ўз ишига яхши ёндашиши, ишининг самарадорлигига қараб ўйинларда майдонга туширилади.

Бироқ бу ҳар доим ҳам етарли бўлмаяпти. 27 ёшли футболчи жароҳатидан кейин олдингидек даражада эмас. У бу мавсум 43 учрашувда қатнашган бўлса, унда фақатгина 5та гол киритди.

Данни ҳужумнинг икки қанотида ҳам ўйнай олади, умуман олганда у олди чизиқнинг универсал футболчиларидан бири бўлса ҳам, "Арсенал"нинг ўйинини кучайтириб бера олмаяпти. У тезкор ҳаракат қилса ҳам, нотўғри қарор чиқармоқда. Якунланган мавсумда жамоага катта фойдаси тегмаётгани учун "Арсенал"дан кетиши кутилмоқда.

У катта эҳтимол билан "Бешиктош" футболчисига айланиши мумкин.

Миржалол Норматов таржимаси