Эдегорнинг "Манчестер Сити"га ўтгани борасидаги хабар ҳазил бўлиб чиқди
28 dec 2019 16:29
News

Эдегорнинг "Манчестер Сити"га ўтгани борасидаги хабар ҳазил бўлиб чиқди

"Реал Сосьедад" ярим ҳимоячиси Мартин Эдегор жамоадан кетмайди.

Бундан бироз аввал "Реал Сосьедад" матбуот хизмати жамоа хавбеки Мартин Эдегорнинг "Манчестер Сити"га ўтганини эълон қилган эди.

Гап шундаки, бугун Испанияда кулгу куни нишонланмоқда. Шу сабабдан, клуб матбуот хизмати бу хабар орқали мухлислар учун ҳазил қилгани маълум бўлди.

"Биз Мартинга 2019 йилнинг июлидан ҳозиргача бўлган профессионаллиги ва клубга бўлган содиқлиги учун миннатдорчилик билдирамиз. Унга келажакдаги шахсий ва профессионал фаолияти учун ҳамма яхши тилакларни билдириб ўтамиз", - деб ёзилган "Реал Сосьедад"нинг расмий сайтидаги хабарда.

Эслатиб ўтамиз, Мартин Эдегор жорий мавсум Испания чемпионатида 16та ўйинда майдонга тушиб, 4та гол ва 5та ассист қайд этди. Эдегорнинг трансфер ҳуқуқи Мадриднинг "Реал" клубига тегишли.

Link :

Source : championat.asia

Receive latest football news directly on your phone. Subscribe for our Telegram channel!

Rating: +16