ЕЧЛ. "Челси" вазифани уддалади - Лондон клуби бу йилда илк марта бир ўйинда икки гол урди ва чорак финалга чиқди!

Челси Англия – Боруссия Д Германия 2:0

8 март, 01:00, "Стэмфорд Бриж"

Голлар: Стерлинг (43, 1:0), Хавертц (53-пен, 2:0).

Челси – Аррисабалага, Джеймс, Кулибали, Кукурелья, Фофана, Чилуэлл, Ковачич (Пулишич, 82), Фернандес (Закария, 87), Хавертц, Стерлинг (Лофтус-Чик, 82), Жоау Феликс (Галлахер, 67).

Боруссия Д – Майер, Зюле, Шлоттербек, Геррейру, Брандт (Рейна, 5), Ройс, Жан, Озжан (Байно-Гиттенс, 64), Беллингем, Вольф, Аллер (Мален, 77).

Огоҳлантириш: Зюле (41), Аррисабалага (65), Фернандес (77), Вольф (90+2), Чиллуэлл (90+2), Кукурелья (90+6), Биллингем (90+8).

Дастлабки учрашув – 0:1

Chelsea Raheem Sterling - 43', Kai Havertz - 53'

Champions League Final Stage . Round 1/8 08/03/2023, 01:10 0 : 2 Finished

Borussia Dortmund

Stadium: Stamford Bridge, 38882 spectators

Referee: Danny Makkelie

45'

90'

43'  Raheem Sterling

50'  Kai Havertz

53'  Kai Havertz

65'  Kepa Arrizabalaga

67'  Joao Felix (Conor Gallagher)

77'  Enzo Fernandez

83'  Mateo Kovacic (Ruben Loftus-Cheek)

83'  Raheem Sterling (Christian Pulisic)

87'  Enzo Fernandez (Denis Zakaria)

90'  Ben Chilwell

90'  Marc Cucurella

5'  Julian Brandt (Giovanni Reyna)

41'  Niklas Suele

64'  Salih Oezcan (Jamie Gittens)

77'  Sebastien Haller (Donyell Malen)

90'  Marius Wolf

90'  Jude Bellingham

Open in Match Center

ЯНГИЛАШ

УЧРАШУВ ЯКУНЛАНДИ! АПЛнинг 10-жамоаси "Челси" "Боруссия" тўсиғидан ишончли ҳисобдаги ғалаба билан ўтди. Бу йил жамоа илк марта бир ўйинда икки гол урди. Қийин ўйинда қийин ғалаба. Поттер жамоаси ва мухлисларини ғалаба билан табриклаймиз.

90+8. Сўнгги дақиқалар асабий ўтмоқда. Биллингем сариқ олди.

90+5. ЗАРБАААААААА!!! Вольфнинг зарбаси ҳимоячига тегиб, Кепага борди.

90+4. УХХХХХХ!! Ройс "Челси" жарима майдончаси ичида йиқитилгандек бўлди. Бош ҳакам реакция билдирмади.

90+3. Биллингем қанотдан тўп узатаман деб кутилмаганда зарба бериб юборди. Кепа тўпни ушлаб олди.

90+1. УХХХХХХ!! "Челси" ўйин тақдирини узил-кесил ҳал қилиб қўйиши мумкин эди. Закариянинг пасини Лофтус-Чик дарвозага йўллай олмади.

"Боруссия" учун 6 дақиқа қўшиб берилди.

90. Пулишич яхши имкониятга эга бўлди. Гол ура олмади, баҳонасига оффсайд қайд этилди.

87. Бугунги ўйинни юқори даражада ўтказган Энцо Фернандес ўрнини Закарияга бўшатди. Бу ерда "Боруссия" босимни оширган.

82. Поттер бир йўла икки ўзгариш амалга оширди. Лофтус-Чик ҳамда Пулишич майдонга тушди.

78. "Боруссия" жарима зарбасига эга бўлди. Узатилган тўпни ҳимоячилар осонлик билан қайтариб юборишди.

76. Галлахер урган гол инобатга олинмади. Оффсайд борлиги бу сафар анча олдин билинганди. Хаттоки Галлахернинг ўзи голни нишонламади.

Қизиқ статистика: "Челси" 27 декабрдан кейин илк марта бир ўйинда икки марта гол урибди.

71. "Челси" бурчак зарбасига эга бўлди. Ундан узатилган тўпни ҳимоячилар қайтариб юборишди (доимгидек).

65. ЗАРБААААААА!!! Вольфнинг ажойиб ва кучли зарбасига Кепа ажойиб ва кучли реакция намойиш қилиб берди.

63. Чиллуэлл чапдан ҳужумга ўтаётганди. "Бўри" уни кутиб олди ва тўпни "ғажиб" олиб қўйди.

58. ИЯ! ЖУД БИЛЛИНГЕМ! 3 метрдан ноаниқ тепишни уддалаш қийин эди-ю)

55. ЗАРБААААААА!!! Рейнанинг кучли зарбасини Чиллуэлл боши билан қайтариб юборди.

53. ГООООООООООЛЛЛЛ!!!! Хавертц иккинчи имкониятдан гол урди! "Челси" минимум вазифани бажармоқда!

51. Пенальти қайта қўйилди!  "Боруссия"нинг икки футболчиси пенальти тепилишидан олдин жарима майдончаси ичига кириб кетди.

51. ЙЎЎЎЎҚҚҚҚҚҚ!!!! Биринчи бўлимни супер ўтказган Хавертц пенальтидан унумли фойдалана олмади.

49. ПЕНАЛЬТИ!!!! "Боруссия" дарвозаси томон 11 метрлик жарима зарбаси белгиланмоқда.

47. УХХХХХ!! Вольф ўз жарима майдончаси ичида тўпни қўли билан ўйнади. Бу 100 фоизлик пенальти. 

46. Иккинчи бўлим бошланди.

Танаффус!

Биринчи бўлимга 3 дақиқа қўшиб берилди.

43. ГООООООООЛЛЛЛЛ!!!! СТЕРЛИИНННГГГГГГ!!! Шунчаки дахшат ҳужум ва ажойиб гол!

42. ЗАРБААААААА!!! Чиллуэлл зўр имкониятни қўлдан чиқарди. Зарба бераётган чоғида у ўзининг ҳимоячилигини эслаб қолди.

Ҳа, ана, тушунтириб берилди. Оффсайд бор экан. Гол инобатга олинмагани тўғри бўлган.

40. ЗАРБААААААА!!!! "Челси"нинг кетма-кет зарбаларини дарвозабон, ҳимоячилар қайтаришди. Аслида Кулибали бўш дарвозага гол ура олмади.

Гол бўлган вазиятда оффсайд йўққа ўхшаганди. Аммо ҳозирча бу борада тушунтириш берилмади.

38. ГООООООООООЛЛЛ!!!! ЙЎЎЎЎҚҚҚҚҚ!!! Шундай дахшатли гол инобатга олинмади. Бу ерда оффсайд қайд этилди.

36. "Челси" бурчак зарбасига эга бўлди. Ундан фойдалана олмади, ҳимоячилар тўпни қайтариб юборишди.

33. Ковачичдан зарба. Чиройли услубда йўлланган зарбага аниқлик етишмади.

31. "Боруссия" жарима зарбасига эга бўлди. Ундан узатилган тўпни Кепа уриб юборди.

28. ЗАРБААААААА!! Хавертцнинг зарбаси дарвозабондан ҳам ўтди. Аммо тўп тўсинга тегиб, майдонни тарк этди. Ўз уйида хатто тўсинлар ҳам ёрдам бермаяпти.

24. Хавфли вазият бўлиши мумкин эди. Рейна "Челси" жарима майдончаси ичига кириб, тўпни дарвоза ёнига узатди. Бўш қолган дарвозага тўпни киритиш учун шериклари топилмади.

21. Ўйин темпи бироз секинлашиб қолди.

17. ЗАРБААААААААА!!! Ройснинг жаримадан йўллаган мураккаб зарбасини Кепа супер сейви билан қайтариб юборди.

14. "Боруссия" ўнг қанотдан ҳужумга ўтди. "Челси" ҳимоячилари ҳаволатиб узатилган тўпни осонлик билан қайтариб юборишди.

8. ЗАРБААААА!!! Хавертц рақиб таъқиби остида дарвозабон билан бирга бир ҳолатга келди. Зарба ноаниқ.

6. ХАВФЛИ ВАЗИЯТ!!! Фелиш рақиб посбони билан бирга-бир вазиятга чиқиб келди ва вазиятдан фойдалана олмади.

5. Брандт жароҳат олди ва захирага олинди. Унинг ўрнига Рейна тушди.

2. "Боруссия" баҳсдаги илк бурчак зарбасига эга бўлди. Ундан узатилган тўпни ҳимоячилар қайтариб юборишди ва мезбонлар тезкор қарши ҳужумга ўтиб кетди. Стерлинг ажойиб имкониятдан фойдалана билмади. Бу паллада оффсайд ҳам бор эди.

1. УЧРАШУВ БОШЛАНДИ!

- "Боруссия" мухлислари шунчаки дахшат перфоменс билан ўйинни бошлади.

- Ниҳоят жамоалар майдонга чиқиб келишди. Учрашув старт олиш арафасида.

- Учрашув бошланиши керак бўлган вақтда "Боруссия" мухлислари трибуналарни тўлдиришди.

- Баҳс 10 дақиқа кечроқ старт олади. Бунга сабаб сифатида меҳмонлар мухлисларининг кечикиши келтириб ўтилган.

- Ҳурматли футбол ишқибозлари! "Стэмфорд Бриж"да "Челси" учун мавсумдаги энг муҳим баҳслардан бири старт олишга яқин. Учрашув матнли трансляциясини ушбу саҳифа орқали кузатиб боринг.