"Монако" Погбани таркибдан чиқарди

Бу ҳақда "RMC Sport" хабар бермоқда.

Клубда вазият футболчининг жисмоний ҳолати билан боғлиқ экани тасдиқланди. "Монако" спорт директори Тьяго Скуронинг айтишича, ҳозир асосий вазифа — тиббий штаб билан бирга ечим топиш.

"Бутун тиббий бўлим эътибори ечим қидиришга қаратилган. Ҳали вазият тафсилотларини аниқлаш жараёнини ишлаб чиқиш керак. Ҳар қандай жароҳатда бўлгани каби биринчи қадам — майдонга қайтиш, кейин эса керакли жисмоний ҳолатни тиклаш учун машғулотларни давом эттириш. У қачон яна тўлиқ машқ қила олади? Бу саволга ҳозир аниқ жавоб йўқ", – деди Скуро.

Эслатиб ўтамиз, Погба 2025 йилнинг ёзида дисквалификацияси якунлангач, эркин агент сифатида "Монако"га қўшилганди. 31 ёшли хавбек жорий мавсум Лига 1 доирасида бор-йўғи 3 ўйин ўтказди.