Достонбек Тошматов: “Олий лига жамоаларидан таклиф тушса, ўйлаб кўриб ўтаман”

-   “Орол” жамоаси қарши қандай тайёргарлик кўраяпсизлар?
-   Рақибимизга қарши “Хоразм”га қандай тайёргарлик кўрган бўлсак шундай давом эттираяпмиз. Мақсад рақибимизни мағлуб этиб, мухлисларимизни ҳурсанд қилишдир. Чунки биз мухлислар учун майдонга тушамиз.

-   Охирги икки турдан бери рақиблар дарвозасини ишғол қилмоқдасиз. Нима деб ўйлайсиз “Орол” жамоасига ҳам гол ура оласизми?
-   Ҳужумчини майдонга тушишдан асосий мақсади – рақиблар дарвозасини ишғол қилиб, жамоа ғалабасини таъминлаш. Шундай экан, ҳар сафар майдонга тушганимда гол уруб жамоанинг ғалабасини таъминлашга харакат қиламан. “Орол”га ҳам гол уруш ниятим бор.

-   Сиз бир неча йиллардан буён “Зомин” жамоасининг асосий таркиб ҳужумчиси ҳисобланасиз. Ўткан йилги мавсумда 20 тадан ошиқ гол ургансиз. Мавсум сўнгига қадар ўткан йилги натижани такрорлай оласизми?
-   Ха ўткан йилги мусобақада 20 тадан ошиқ гол ургандим. Бу йилги мавсумда ҳам агар мураббийлар менга асосий таркибда ўйнаш учун имкон беришса, ўткан йил натижадан ҳам яхшироқ натижа қилишга ҳаракат қиламан.

-   Сир бўлмаса ҳозиргача неча маротаба рақиблар дарвозасини ишғол қилдингиз?
-   Бу ҳозирча сир бўла қолсин. Лекин мусобақа сўнгига қадар ҳаммасини билиб оласиз. Чунки олдинда яна 7 та тур ўйинлари бор.

-   Нима деб ўйлайсиз, кейинги йилги Олий лигага Биринчи лигадан қайси жамоа тўғридан-тўғри йўлланма олади?
-   “Динамо” жамоаси. Чунки бу жамоа ҳозирги кундаги Биринчи лиганинг энг кучли жамоасидир.   

-   Кейинги йилги мавсумда, Олий лига жамоасидан таклиф тушса, бошқа жамоага ўтиш ният борми?
-   Ха албатта. Агар Олий лига жамоаларидан таклиф тушса, ўйлаб кўриб ўтаман.

Акмал Рахматуллаев суҳбатлашди.