Дилявер Ваниев: "Бундай майдонда комбинацион ўйин намойиш этиб бўлмайди"

Ўйин ҳақида

-  "Бундай майдонда комбинацион ўйин намойиш этиб бўлмайди. “Андижон” стандарт вазиятларда нималарга қодир эканликларини яхши билардик. Тайёргарлик кўрмаганмиз, дея олмайман. Албатта, тайёргарлик кўрдик. Қанотлар орқали отилган аутлар ва стандартлар хавфли чиқди. Танаффусчага ҳисобда олдинда бораётгандик. Танаффусда ўйинчиларга етарлича тактик кўрсатмалар бергандим. Айниқса, ҳаводаги курашларда ютқазмаслик кераклигини уқтирдим. Аммо қаердадир хато қилишни бошладик ва ҳаммаси ўзгариб кетди. 

-  Мағлубиятда асосий айбдор ким?

-  Ҳозир кимнидир алоҳида кўрсатиб ўтирмайман. Биз қўлдан келганича ҳаракат қилдик. Қайсидир вазиятларни охиригача ишламаганмиз. Ҳаммага раҳмат. “Андижон”ни Суперлигага чиққани билан табриклайман.