Даврон Файзиев "Бухоро" жамоаси бош мураббийлигидан кетди

Бу ҳақида клуб матбуот хизмати маълум қилмоқда. 

"Биласиз "Бухоро" жамоаси ушбу масвумда ўз олдига Суперлигага чиқиш вазифасини қўйган.

Шундан келиб чиқиб жамоанинг охирги икки учрашувда кўрсатган натижалари клуб раҳбарияти томонидан танқидий руҳда кўриб чиқилгач, бош мураббий ўз хоҳишига кўра ишдан бўшади ва клуб раҳбарияти Даврон Файзиев билан дўстона хайрлашди. "Бухоро" жамоаси Даврон Орифовичга миннатдорчилик билдириб, келгуси фаолиятларида муваффақиятлар тилаб қолади.

"Бухоро" бош мураббийи этиб Анвар Бердиев тайинланди. Анвар Қурбоновичга мураббийлар Сергей Лебедев ва Сухроб Қобиловлар яқиндан ёрдам беришади. Бердиевгнинг фаоилятларида омад тилаб жамоамиз билан янги чўққиларни забт этиб, мухлисларни хурсанд этишини тилаб қоламиз",- дея хабар бермоқда клуб расмий телеграм канали.