Цюрихда Санъат Шариповга халқаро даражадаги спорт юристи дипломи топширилди
23 sep 2016 13:18
News
![](https://championat.asia/upload/storage/222078_original.jpg)
![](/upload/storage/222078_220.jpg)
Цюрихда Санъат Шариповга халқаро даражадаги спорт юристи дипломи топширилди
Бу йил эса у жаҳон футболига халқаро тоифадаги мутахассислар етказиб берувчи ушбу даргоҳдаги таълим босқичини муваффақият билан тамомлади. Куни-кеча Цюрихда битирувчилар шарафига тантанали диплом топшириш маросими ташкиллаштирилди.
Германия, Буюк Британия, Швейцария, Австрия, Италия, Туркия, АҚШ, Канада, Бразилия, Жанубий Африка Республикаси, Индонезия, Польша, Албания, Словакия, Хитой ва шу каби бошқа бир нечта мамлакатлар вакиллари қаторида, Шариповга ҳам халқаро даражадаги спорт юристи дипломи байрамона тарзда топширилди. Шу тариқа, Санъат Шарипов спорт соҳасидаги халқаро юрист номига сазовор бўлган ўзбекистонлик биринчи мутахассис сифатида қайд этилди.
- Маросимнинг расмий қисми Цюрихдаги машҳур Гроссмюнстер черковида бўлиб ўтди, - дейди Шарипов. – Битирувчилар учун байрам зиёфати кечқурун Цюрих кўли бўйлаб сайр қилган пароходда уюштирилди. Бу жуда ҳам эсда қоларли манзара бўлди. Тадбирда ФИФА, УЕФА, футбол ўйини қоидаларини назорат қилувчи халқаро кенгаш, Халқаро олимпия қўмитаси, Спорт арбитраж суди, Бутунжаҳон антидопинг агентлиги (ВАДА), Ҳаваскорлар халқаро бокс ассоциацияси (АИБА), муз устида хоккей, велоспорт ва бошқа кўплаб халқаро спорт уюшмалари аъзолари биз билан бирга бўлишди. Улар фаолиятимиздаги янги босқич билан барчамизни самимий қутлашди.
***
Биз ҳам барча юртдошларимиз номидан Санъат Шариповни халқаро спорт юристи мақомини расман олганлиги билан муборакбод этамиз! Ўзбек футболини тараққий эттиришда унинг хизматлари ўзига хос, яъни халқаро кўринишда бўлишлигини ҳам тилаб қоламиз, ҳам кутиб қоламиз!
Similar news
![AMP Logo](https://championat.asia/image/logo-amp.png)
Comments