Чемпионлар Лигаси финалини Никола Риццоли бошқаради
20 may 2013 16:59
News

Чемпионлар Лигаси финалини Никола Риццоли бошқаради

“Бавария” ва дортмунднинг “Боруссия” клублари ўртаси бўлиб ўтадиган Чемпионлар Лигаси мусобақасининг финал баҳсини италиялик ҳакам Никола Риццоли бошқаради.

41-ёшли бу рефери халқаро учрашувларни 2007-йилдан бери бошқариб келади. 2010 йилда у “Фулхэм” ва “Атлетико” ўртасидаги Европа Лигаси финал ўчрашувини бошқарган. Бундан ташқари у Евро-2012 мусобақасининг 3 та учрашувини бошқарган.

“Малага” ва “Порту” жамоаларининг ЧЛдаги жавоб учрашувини қўшиб ҳисоблаганда, Риццоли Чемпионлар Лигасида 26 учрашувни бошқарган.

Қанот ҳакамлари сифатида Ренато Фаверани ва Андреа Стефани иш олиб боришади. Дарвозаорти ҳакамлари вазифасини Джанлука Рокки ва Паоло Тальявентолар бажариб беришади. Захирадаги ҳакам сифатида Дамир Скомина тайинлаган. Захирадаги дарвозаорти ҳаками сифатида – Джанлука Кариолато тайинланган.

Чемпионлар Лигаси финал учрашуви 25 май куни Лондоннинг “Уэмбли” майдонида бўлиб ўтади.

Link :

Receive latest football news directly on your phone. Subscribe for our Telegram channel!

Rating: