“Бунёдкор” янги футболчилар тақдимотини ўтказади

Ушбу маросимда жамоа таркибига бу йил келиб қўшилган янги футболчиларнинг жамоатчиликка “Бунёдкор” аъзолари сифатида таништируви ўтказилади. Футболчилар тақдимоти тугагач ҳамда улар “Бунёдкор”да тўп сурадиган ўз рақамларига эга бўлишганидан сўнг, жамоа бош мураббийи Миржалол Қосимов ва клуб раҳбарлари 2014 йилги футбол мавсуми бошланаётганлиги муносабати билан уюштириладиган матбуот анжуманида қатнашади.

Шундан сўнг, ОАВ ходимлари учун очиқ машғулот бўлиб ўтади.

Мазкур маросим 20 февраль (пашанба) куни “Бунёдкор” стадиони анжуманлар залида ташкил этилади. Бошланиш вақти – соат 14:00да.

Барча оммавий ахборот воситалари вакилларини юқоридаги тадбирга таклиф этамиз!