"Бунёдкор" ҳамда Тошкент вилояти футбол академияси ўртасида ҳамкорлик меморандуми имзоланди

"Сўнгги йилларда юртимизнинг турли ҳудудларида "Бунёдкор" академиясининг филиаллари очилган эди. Энди Республика миқёсидаги академия билан ҳамкорлик ўрнатилди.

Бугун Тошкент вилояти футбол академияси расмийлари "Бунёдкор" футбол клубида меҳмон бўлишди. Тадбирда "Бунёдкор" футбол клуби директори Азиз Ҳайдаров, "Бунёдкор" академияси директори Ислом Аҳмедов ҳамда Тошкент вилояти футбол академияси директори Алберт Ахметгалеев иштирок этди. 

Иккала жамоа расмийларининг учрашувидан асосий мақсад барча йўналишларда ўзаро ҳамкорликни йўлга қўйиш ва буни ҳужжатларда расмийлаштириш эди. Расмийлаштирилган меморандумга кўра, энди "Бунёдкор" ва Тошкент вилояти футбол академияси ёш иқтидорларни бир фалсафа остида тарбиялаш бўйича ҳамкорлик қилади.

 Албатта, бу ҳамкорлик яқин келажакда ўз самарасини бериб, тарбияланувчиларимиз ўзбек футболи келажагига айланади ва терма жамоаларимизнинг етакчиларига айланади", – дейилади клуб хабарида.