"Бунёдкор" билан шартнома тузган туркманистонлик футболчи ҳақида нималарни билиш керак?
06 jan 2020 13:15
News

"Бунёдкор" билан шартнома тузган туркманистонлик футболчи ҳақида нималарни билиш керак?

Ўтган мавсумда "Олтин Аср"да ўйнаган туркманистонлик ҳужумчи Селим Нурмурадов "Бунёдкор" билан шартнома тузгани ҳақида хабар бергандик.

23 ёшли Селим Нурмурадов Қозоннинг "Рубин" клуби тарбияланувчиси ҳисобланади. Туркманистонлик футболчи "Бунёдкор" билан 2020 йил охирига қадар шартнома тузди.

Селим Нурмурадов 1996 йил 22 март куни Ашхободда туғилган. Унинг отаси Бердимурад Нурмурадов — машҳур футболчи бўлган. 2013-2014 йилларда Селим "Рубин" ёшлар жамоасида ўйнаган. 2014 йил Туркманистонга қайтиб "Олтин Аср" билан шартнома тузган. 2014-2019 йилларда олти марта кетма-кет мамлакат чемпионига айланган. Бу ҳақда turkmenportal.com сайти хабар берди.