Бугун Ўзбекистон U-16 терма жамоаси Уммон билан ўйнайди
25 jul 2016 11:45
News

Бугун Ўзбекистон U-16 терма жамоаси Уммон билан ўйнайди

15 сентябрь – 2 октябрь саналари давомида Ҳиндистонда бўлиб ўтадиган ўсмирлар ўртасидаги Осиё чемпионатига тайёргарлик кўраётган Ўзбекистон U-16 терма жамоаси бугун Тошкентдаги йиғин доирасида Уммон билан ўртоқлик учрашуви ўтказади.

Темур Олимхўжаев бошчилигидаги терма жамоа Тошкентдаги йиғинини 21 июль куни бошлаган. Ушбу йиғин давомида Ўзбекистон ўсмирлар терма жамоаси уммонлик тенгдошлари билан иккита назорат ўйини ўтказишни режалаштирган. Дастлабки ўйин бугун, 25 июль куни соат 18:00да бошланса, иккинчи учрашув 27 июль куни, 18:00да бошланади. Ҳар икки ўйин ҳам “Жар” стадионида бўлиб ўтади.

Эслатиб ўтамиз, Ўзбекистон ўсмирлар терма жамоаси Осиё чемпионатига финал босқичига ташланган қуръа натижасига кўра КХДР, Таиланд ҳамда Яман жамоалари билан бир гуруҳдан ўрин олган.

Олимхўжаев шогирдлари турнирни 17 сентябрь куни Таиландга қарши ўйин билан бошлайди. 20 сентябрда Яман ва 23 сентябрь куни эса КХДРга қарши майдонга тушади.

Link :

Source : the-uff.com

Receive latest football news directly on your phone. Subscribe for our Telegram channel!

Rating: +3