Бугун Ўзбекистон чиқа олмаган U-19 Осиё чемпионати бошланади
18 oct 2018 13:42
News

Бугун Ўзбекистон чиқа олмаган U-19 Осиё чемпионати бошланади

Бугун Индонезия мамлакатида U-19 Осиё чемпионати мусобақаси старт олади.

Кеча ушбу мусобақа ҳақида батафсил маълумот берган эдик: U-19 Осиё чемпионати ҳақида маълумот

Бугун Осиё чемпионатининг дастлабки иккита учрашуви бўлиб ўтади.

Биринчи ўйин БАА ҳамда Қатар ёшлар терма жамоалари ўртасида кечади. Учрашув Тошкент вақти билан соат 14:00да бошланади.

Мезбон Индонезия эса илк турни Хитой Тайпеига қарши ўтказади. Бу ўйин бизнинг вақт билан соат 17:00га белгиланган.

Ушбу мусобақада 16та жамоа иштирок этади ва якунда кучли тўртликка кирган жамоалар келаси йил Польшада бўлиб ўтадиган U-20 жаҳон чемпионати йўлланмасини қўлга киритишади.

Ўтган йил саралашда муваффақиятсизликка учраган Ўзбекистон ёшлар терма жамоаси бу сафар Осиё чемпионатини томошабин сифатида кузатади.