Бугун футбол. "Навбаҳор" - "Қўқон-1912"
12 may 2017 17:03
News
![](https://championat.asia/upload/storage/252929_original.jpg)
![](/upload/storage/252929_220.jpg)
Бугун футбол. "Навбаҳор" - "Қўқон-1912"
Олий лига. 10-тур. 12 май
«Навбаҳор» (Наманган) – «Қўқон-1912» (Қўқон)
Ҳакамлар: В. Коваленко (Тошкент), М. Саидқосимов (Тошкент), А. Цапенко (Тошкент вил.), Д. Мухторов (Тошкент).
Назоратчи: С. Эрматов (Тошкент).
ЎзПФЛ вакили: А. Иноятов.
Ўйиндан нима кутяпмиз? Водий дербисида кимнинг қўли баланд келади? Ўз майдонида ҳали мағлуб бўлмаган "Навбаҳор"ми ёки бўлмаса сафарда ютқазмай келаётган "Қўқон-1912"ми? Бугунги баҳс орқали шу каби саволларга жавоб олсак ажаб эмас. Иккала жамоа ҳам мавсумни яхши ўтказяпти. Айниқса, "Қўқон-1912"нинг бу йилги натижалари мақтовга лойиқ. Нўъмон Ҳасанов шогирдлари яхши ўйин кўрсатган ҳолда иккинчи ўринда боришмоқда. Ўз навбатида "Навбаҳор"нинг ҳам ишлари чакки эмас. Бугун Илҳом Мўминжонов бошқарувидаги жамоа ўз мухлислари кўз ўнгида ғалаба қозонишга ҳаракат қилади.
Факт: Ўз майдонида бугун олтинчи ўйинини ўтказадиган "Навбаҳор" аввалги беш учрашувнинг учтасида ғалаба қозонган. Мўминжонов шогирдлари уйда "Обод", "Машъал", "Шўртан"дан устун келиб, "Нефтчи" ва "Локомотив" билан дуранг ўйнашган. Тўплар нисбати 7-4. Жамоа ўз майдонида 11 очко тўплаган ва бу борада "Локомотив" ва "Насаф"дан кейин учинчи ўринни эгаллаб турибди.
Факт: Бугун сафарда бешинчи ўйинида майдонга тушадиган "Қўқон-1912" аввалги тўртта баҳснинг иккитасида ғалаба қозониб, икки бор дуранг ўйнаган. Қўқонликлар сафарда "Обод" ва "Машъал" билан дуранг ўйнаган ҳолда "Нефтчи" ҳамда "Шўртан"ни мағлуб этиб қайтган. Тўплар нисбати 7-5.
Биласизми? "Қўқон-1912" қаторасига 8та ўйиндан бери мағлубиятга учрагани йўқ. Жамоа ҳисобида 5та ғалаба ва учта дуранг бор.
Биласизми? "Навбаҳор" охирги икки ўйинда ғалаба қозона олмади. Наманганликлар сафарда "Пахтакор"га имкониятни бой бериб, уйда "Локо" билан дуранг қайд этишди.
Биласизми? "Қўқон-1912" сафарда гол уриш бўйича биринчи ўринни эгаллаб турибди. Жамоа ҳисобида еттита гол бор. Қўқонликлар бу борада "Локомотив", "Насаф" каби кучли клублардан олдинда.
Факт: Наманганда "Қўқон-1912"га қарши кечган охирги учта учрашувнинг ҳаммасида "Навбаҳор" ғалаба қозонган. Тўплар нисбати 12-3.
14.05.2016
"Навбаҳор" - "Қўқон-1912" - 5:1
21.10.2015
"Навбаҳор" - "Қўқон-1912" - 2:1
11.06.2003
"Навбаҳор" - "Қўқон-1912" - 5:1
Similar news
![AMP Logo](https://championat.asia/image/logo-amp.png)
Comments